Aaj News

پیر, مئ 13, 2024  
04 Dhul-Qadah 1445  

’جب بھائیوں نے والد کا وینٹی لیٹر ہٹایا تو۔۔۔‘ عروسہ صدیقی کی دل گداز باتیں

پریگنینسی کے دوران والد کی وفات کاصدمہ اٹھانے والی اداکارہ نے کیا کہا؟
شائع 04 نومبر 2023 12:05pm
تویر: عروسہ صدیقی/انسٹاگرام
تویر: عروسہ صدیقی/انسٹاگرام

پاکستان ڈرامہ انڈسٹری میں کامیڈی ڈراموں سے شہرت پانے والی اداکارہ عروسہ صدیقی نے پریگنینسی کے دوران والد کی وفات کا صدمہ اٹھانے کے تکلیف دہ لمحات کا بتاتے ہوئے نجی زندگی سے متعلق بھی کھل کربات کی۔

ایک مارننگ شو میں شریک عروسہ صدیقی نے بتایا کہ وہ اس دوران کس جذباتی کیفیت سے گزریں جبکہ ان کے بھائی بھی چھوٹے تھے۔

اداکارہ نے بیٹے کی پیدائش سے متعلق سوال پر بتایا کہ ’میں حاملہ تھی الحمدللہ، سب کچھ ٹھیک چل رہا تھا، میری ساس میرے ساتھ تھیں لیکن میرے والد کا ان دنوں انتقال ہو گیا‘۔

اداکارہ نے جذاباتی ہوتے ہوئے مزید کہا کہ ’میں سات ماہ کی حاملہ تھی، میرے والد کی موت اچانک ہوئی تھی۔ انہیں دل کا دورہ پڑا، پھر انہیں فالج ہوا جس کے بعد دماغ کی سرجری ہوئی اور انہیں وینٹی لیٹر پر ڈال دیا گیا‘۔

اداکارہ نے والد کے آخری لمحات کے بارے میں گفتگو کرتے نم آنکھوں کے ساتھ کہا کہ ’اسپتال میں میرے لیے جذبات پر قابو رکھنا کافی مشکل تھا، جب میرے بھائیوں نے میرے والد کا وینٹی لیٹر ہٹایا، میں اسی وقت آگے بڑھی، اور میں نے ان سے پوچھا ”ہوگیا“، جس پر میرے بھائیوں نے مجھے گلے لگا لیا‘۔

عروسہ صدیقی کا شمار پاکستان کی نامور اداکاراؤں میں ہوتا ہے، انہوں نے اپنے کیرئیر کا آغازایک کامیڈی ڈرامے سے کیا تھا جس میں انہوں نے ’سکینہ‘ کا کردار ادا کیا۔

”کنکر“، ”ہم سب عجیب سے ہیں“، ”قدوسی صاحب کی بیوا“ اور ”بُلبُلے“ جیسے ہٹ ڈراموں میں انہوں نے نمایاں کردار ادا کیے ہیں۔

Pakistani Actress

lifestyle

سلیبریٹی

Uroosa Siddiqui

Father's Demise

Emotional

Comments are closed on this story.

تبصرے

تبولا

Taboola ads will show in this div