رہنما پیپلزپارٹی شرجیل میمن کا کہنا ہے کہ پی ٹی آئی لیڈرشپ کالے کرتوتوں کی وجہ سے جیل میں ہے۔

کراچی میں میڈیا سے گفتگو کرتے ہوئے شرجیل میمن نے کہا کہ 8 فروری کو الیکشن ہونے جارہے ہیں، پیپلز پارٹی شروع سے ہی الیکشن وقت پر کرانے کی بات کر رہی تھی، بلاول بھٹو نےمطالبہ کیاالیکشن میں تاخیر پر سمجھوتہ نہیں، جس کو مینڈیٹ ملے وہ عوام کے مسائل حل کرنے کی کوشش کرے۔

انہوں نے کہا کہ پی ٹی آئی لیڈر شپ کالے کرتوتوں کی وجہ سے جیل میں ہے، تحریک انصاف قیادت ملک اور اداروں کے خلاف سازشیں کر رہی تھی جب کہ ایک پارٹی وہ ہے جو صرف اپنے کیسزختم کرانے آئی ہے۔

پی پی رہنما کا کہنا تھا کہ عوام کوکوئی انٹرسٹ نہیں کون جیل جا رہا ہے کس سے بدلہ لینا ہے، بلکہ عوام چاہتے ہیں کہ ہمیں مشکلات سے نکالا جائے۔

شرجیل میمن نے کہا کہ یک لیڈرجیل میں ہےسہولت مانگ رہاہےکہ باہرجانےدیاجائے، ایک پارٹی کہتی ہےایٹم بم ہم نے دیا، سی پیک بھی ہم نے شروع کیا، شکرہے وہ پارٹی یہ نہیں کہتی کہ پاکستان بھی ہم نے بنایا.