کراچی میں ضلع ملیر میں تجاوزات کےخلاف کارروائی پر مزاحمت کی گئی، جس پر پولیس نے مظاہرین کو منتشر کرنے کیلئے فائرنگ اور آنسو گیس کی شیلنگ کی، جس کے نتیجے میں ایک بچہ جاں بحق اور ایک زخمی ہوگیا۔

تفصیلات کے مطابق ضلع ملیر ناردرن بائی پاس پر ملیر ڈیولپمنٹ اتھارٹی (ایم ڈی اے)، اینٹی انکروچمنٹ اور پولیس کی جانب سے تجاوزات کےخلاف کارروائی کی گئی۔

آپریشن کے خلاف علاقہ مکینوں نے احتجاج کیا، پولیس نے مظاہرین کو منتشر کرنے کیلئے ہوائی فائرنگ اور آنسو گیس کی شیلنگ کی، فائرنگ سے ایک بچہ جاں بحق اور ایک زخمی ہوگیا۔

یہ بھی پڑھیں :

کراچی: پرانا گولیمار میں منشیات کےعادی افراد کی ویڈیو وائرل، آپریشن شروع

کراچی: مونگ پھلی کے ٹھیلے پرنصب گیس سلینڈر میں دھماکہ

رواں سال دہشت گردی پھیلانے والے سوشل میڈیا اکاؤنٹس کی تفصیلات جاری

علاقہ مکینوں کی مزاحمت کی وجہ سے تجاوزات کےخلاف کارروائی کرنے والا ایم ڈی اے کا عملہ مشینری چھوڑ کر بھاگ نکلا۔