جہانیاں میں پولیس نے جھوٹی اطلاع دینے والے شہری کو گرفتار کرلیا۔

شہری کو بم دھماکے کی جھوٹی اطلاع دینا مہنگا پڑگیا۔ شہری عبدالرزاق نے پولیس کو کال کرکے اطلاع دی کہ ’ایک مشکوک شخص دھماکہ کرنے کیلئے شہر میں پھر رہا ہے‘۔

اطلاع ملنے پر پولیس کی بھاری نفری موقع پر پہنچ گئی لیکن شہری عبدالرزاق دی گئی اطلاع کو ثابت نہ کرسکا۔

پولیس نے جھوٹی خبر دینے پر شہری کو گرفتار کرکے مقدمہ درج کرلیا۔

اس حوالے سے پولیس کا کہنا ہے کہ جھوٹی اطلاع دینا جرم ہے واقعے پر سخت کارروائی کی جائے گی۔