سندھ کےمختلف شہروں میں تیزہواؤں اورگرج چمک کےساتھ موسلا دھار بارش کا سلسلہ جاری ہے، نوشہرو فیروز میں آسمانی بجلی گرنے سے ایک نوجوان جان سے گیا

مورو ضلع نوشہرو فیروز میں تیز آندھی کے ساتھ بارش کے دوران آسمانی بجلی گر گئی، آسمانی بجلی گرنے سے 22سالا نوجوان زبیر سولنگی جاں بحق ہو گیا۔

شہدادکوٹ، لاڑکانہ اور گردونواح میں موسلادھار بارش سے نظام زندگی درہم برہم ہوگئی۔ سیپکو کے متعدد فیڈرز ٹرپ کرنے کے باعث پورا شہر اندھیرے میں ڈوب گیا ہے۔

صحبت پور شہر میں بھی بادل جم کر برس رہے ہیں بارش کے باعث نشیبی علاقے زیر آب آنے کا خدشہ ہے۔

خیرپور میں تیز ہوا کے ساتھ ہلکی ہلکی بارش شروع ہوگئی، نوشہروفیروز و گرد نواح میں ابر رحمت برس پڑی۔ بارش شروع ہوتے ہی بجلی کے کئی فیڈر ٹریپ کر گئے۔

جیکب آباد،شکار پور اور گردونواح میں تیزہواؤں کے ساتھ بارش کا سلسلہ جاری ہے بارش کے باعث موسم سرد اور خوشگوار ہو گیا ہے لیکن بجلی کی فراہمی مختلف علاقوں میں معطل ہے۔

محکمہ موسمیات کے مطابق آج رات بارشوں کا سلسلہ بالائی سندھ کے مزید علاقوں اور جنوبی پنجاب تک پھیل جائیگا۔