پنجاب پولیس نے فراڈ کے مقدمے میں مطلوب ایک اور اشتہاری کو متحدہ عرب امارات (یو اے ای) سے گرفتار کرلیا۔

پنجاب پولیس بیرون ملک مفرور اشتہاریوں کی گرفتاری کے لیے سرگرم ہے، فراڈ کے مقدمے میں مطلوب ایک اور اشتہاری کو متحدہ عرب امارات سے گرفتار کر لیا۔

ترجمان پنجاب پولیس کے مطابق ملزم صابر علی 3 سال قبل شہری سے 30 لاکھ کا فراڈ کرکے بیرون ملک مفرور ہوگیا تھا، پنجاب پولیس نے انٹرپول سے ملزم کا ریڈ نوٹس جاری کروایا، گرفتاری کے لیے تحرک جاری رکھا۔

ترجمان پنجاب پولیس نے کہا کہ ملزم کو میانوالی پولیس نے اپنی تحویل میں لے لیا، رواں برس بیرون ملک سے گرفتار اشتہاری مجرمان کی مجموعی تعداد 26 ہوگئی۔