اسلام آباد کی مقامی عدالت نے بانی پاکستان تحریک انصاف کو اپنے بیٹوں سے بات کرنے اور ذاتی معالج سے طبی معائنہ کروانے کی درخواستیں منظور کر لیں۔ عدالت نے سپریٹنڈنٹ اڈیالہ جیل کو ہدایت کی ہے کہ ان احکامات پر عمل درآمد کی رپورٹ 28 اپریل تک جمع کروائی جائے۔

یہ فیصلہ اسپیشل جج سنٹرل اسلام آباد شاہ رخ ارجمند نے دیا، جنہوں نے اس حوالے سے دائر درخواستوں پر سماعت کی۔

بانی پی ٹی آئی سے ملاقات کا دن، پارٹی رہنماؤں اور فیملی ممبران کو ناکوں پر روک دیا گیا

دوران سماعت بانی پی ٹی آئی کی جانب سے وکلا عثمان ریاض گل اور ظہیر عباس عدالت میں پیش ہوئے اور مؤقف اختیار کیا کہ عدالت اس سے قبل بھی طبی معائنے کے لیے احکامات جاری کر چکی ہے۔

عدالت کو بتایا گیا کہ اسلام آباد ہائی کورٹ کی جانب سے بانی پی ٹی آئی کے لیے میڈیکل بورڈ بھی تشکیل دیا جا چکا ہے، جبکہ عدالت نے جیل ڈاکٹرز کی موجودگی میں ذاتی معالج سے ماہانہ بنیاد پر طبی معائنے کی اجازت بھی دی تھی۔

’آپ کے وعدے کا کیا ہوا؟‘ امریکی وفد کی آرمی چیف کی ملاقات پر پی ٹی آئی کے حامی مایوس

عدالت نے تمام دلائل مکمل ہونے پر بانی پی ٹی آئی کی اپنے بیٹوں سے گفتگو اور ذاتی ڈاکٹر سے معائنے کی درخواستیں منظور کر لیں اور احکامات پر عمل درآمد کی رپورٹ پیش کرنے کی تاریخ 28 اپریل مقرر کر دی۔