بھارتی وزیرِاعظم نریندر مودی کی جانب سے پاکستان پر حملے کا جواز پیدا کرنے کے لیے اپنے ہی پنجاب میں فالس فلیگ آپریشن کی منصوبہ بندی سامنے آ گئی ہے۔ مودی حکومت اس حملے کا الزام پاکستان پر ڈالنے کا ارادہ رکھتی ہے تاکہ بھارتی سکھ برادری کی حمایت حاصل کی جا سکے۔

ذرائع کے مطابق بھارتی فوج کی جانب سے پاکستان کے خلاف حالیہ جارحیت میں انہیں پاکستانی مسلح افواج کی جانب سے شدید مزاحمت کا سامنا کرنا پڑا، جس کے بعد مودی حکومت نے نئی چالاکی کے تحت بھارتی پنجاب کو استعمال کرنے کا فیصلہ کیا ہے۔

ذرائع کا کہنا ہے کہ بھارتی پنجاب کے سکھ پہلے ہی مودی کی جنگی پالیسیوں سے نالاں ہیں اور وہ پاکستان کے خلاف کسی بھی کارروائی میں ساتھ نہ دینے کا اعلان کر چکے ہیں۔ سکھ برادری پاکستانی پنجاب کی سرزمین کو مقدس تصور کرتی ہے، جس کی وجہ سے مودی کو لاہور اور سیالکوٹ پر حملے کے لیے سکھوں کی حمایت حاصل نہیں ہو رہی۔

امرتسر میں دھماکوں کی آوازیں، میزائلوں کے ٹکڑے برآمد

ذرائع نے انکشاف کیا کہ مودی حکومت اپنے ناپاک عزائم کے تحت ایک خود ساختہ حملہ بھارتی پنجاب میں کروانا چاہتی ہے تاکہ عوامی حمایت حاصل کی جا سکے اور الزام پاکستان پر عائد کیا جا سکے۔ تاہم پاکستان کے خلاف اس طرح کی کوئی بھی سازش نہ صرف عالمی سطح پر بے نقاب ہو جائے گی بلکہ مودی کو ایک بار پھر شرمندگی اور ناکامی کا سامنا کرنا پڑے گا۔

مودی کے جنگی جنون نے کیسے رات بھر بھارتیوں کو جگائے رکھا

ذرائع کے مطابق بھارتی سکھ برادری نہ صرف اس سازش سے آگاہ ہے بلکہ وہ کھل کر پاکستان کی امن پسندانہ پالیسیوں کی حمایت کر رہی ہے جو مودی کے عزائم کے لیے سب سے بڑی رکاوٹ بن چکی ہے۔