راولپنڈی اسلام آباد میں بارش اور ملک کے بالائی علاقوں میں برفباری نے جاتی سردی کو روک دیا، محکمہ موسمیات نے پنجاب، خیبرپختونخوا اورکشمیر میں مزید بارش اور پہاڑی علاقوں میں برفباری کا امکان ظاہر کیا ہے۔

جڑواں شہروں میں گزشتہ روز ہونے والی بارش نے سردی پھر لٹا دی،آزاد کشمیر کے بالائی علاقوں وادی نیلم، لیپہ، کنگا چوٹی اور گلگت بلتستان کے پہاڑی سلسلوں میں برفباری نے قدرتی نظاروں کو مزید حسین بنا دیا ۔

سب سے کم درجہ حرارت اسکردو میں منفی  ڈگری سینٹی گریڈ ریکارڈ کیا گیا، کالام، استور منفی5، پارا چنار منفی3 اور مالم جبہ میں منفی ایک ڈگری سینٹی گریڈ رہا۔

 موسم کا حال سنانے والوں کا کہنا ہے کہ پنجاب، کے پی کے،  کشمیر اور گلگت بلتستان میں بعض مقامات پر بارش اور پہاڑی علاقوں میں برفباری کا امکان ہے۔