Aaj TV News

BR100 4,936 Decreased By ▼ -23 (-0.46%)
BR30 25,403 Decreased By ▼ -331 (-1.28%)
KSE100 45,865 Decreased By ▼ -101 (-0.22%)
KSE30 19,173 Decreased By ▼ -26 (-0.14%)

بولی ووڈ کے لیجنڈ ڈائریکٹر راج کپور کے چھوٹے صاحبزادے راجیو کپور کی دل کا دورہ پڑنے سے موت واقع ہو گئی ہے۔ آنجہانی کی عمر 58 سال تھی۔ گزشتہ سال ان کے بڑے بھائی رشی کپور بھی کینسر سے لڑتے فوت ہو گئے تھے۔

بھارتی فلم انڈسٹری کے ممتاز اداکار اور ڈائریکٹر راج کپور کے خاندان کا ایک اور چراغ گل ہو گیا ہے، ان کے سب سے چھوٹے صاحبزادے راجیو کپور کی بھی موت ہو گئی ہے۔ انڈین میڈیا کے مطابق آنجہانی راجیو کپور کو دل کا دورہ پڑا جو جان لیوا ثابت ہوا، انہیں طبی امداد کیلئے ہسپتال لے جایا گیا لیکن وہ جانبر نہ ہو سکے۔

رندھیر کپور نے بھائی کی موت کی تصدیق کرتے ہوئے کہا ہے کہ راجیو کپور ہم میں نہیں رہے، میں نے اپنا چھوٹا بھائی کھو دیا ہے۔ ان کے علاوہ راجیو کپور کی بھابھی اور رشی کپور کی اہلیہ نیتو سنگھ نے بھی اپنے دیور کی موت کی تصدیق کی ہے۔

راجیو کپور نے 1983ء میں بولی ووڈ کی فلم ایک جان ہیں ہم سے اپنے فلمی کیریئر کا آغاز کیا تھا تاہم انہیں رام تیری گنگا میلی سے فلم انڈسٹری میں شناخت ملی۔