Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

لاہور جنرل ہسپتال میں نوجوان کی جنس تبدیلی کا آپریشن کیا گیا ہے۔

دی نیوز کی رپورٹ کے مطابق میٹرک کی طالبہ عمارہ کا جنرل ہسپتال کے ڈیپارٹمنٹ آف پلاسٹک سرجری میں چار گھنٹوں پر مشتمل جنس تبدیلی کا کامیاب آپریشن کیا گیا۔ والدین نے بیٹی کے بیٹا بننے پر اس کا نام عمارہ سے تبدیل کرکے عمار رکھ دیا۔

پلاسٹک سرجری کی سربراہ ڈاکٹر رومانہ اخلاق کی نگرانی میں اسسٹنٹ پروفیسر ڈاکٹر نصر اللہ اور ڈاکٹر محمد عمران نے چار گھنٹے کی پیچیدہ مگر کامیاب سرجری کے بعد صنفی تفویض کا یہ عمل مکمل کیا۔ مریض کو صحت یابی کے بعد ہسپتال سے ڈسچارج کر دیا گیا۔

معروف گائناکالوجسٹ پروفیسر الفرید ظفر کے مطابق پاکستان میں جنس تبدیلی فیشن کے طور پر ممکن نہیں، یہ اسی صورت ممکن ہے جب ابتدائی طور پر یا بچپن میں ہی لڑکے یا لڑکی میں جنس مخالف کی علامات، ہارمونز کی تبدیلی اور دیگر ایسے امور نظر آئیں۔ ایسی صورت میں ڈاکٹرز آپریشن کا فیصلہ کرتے ہیں۔

عمار کی والدہ نے کہا کہ اس طرح کے آپریشن پر نجی شعبے میں لاکھوں روپے خرچ ہوتے ہیں لیکن ایل جی ایچ کی انتظامیہ اور ڈاکٹروں نے بہترین طبی سہولیات مفت فراہم کی ہیں۔

عمار کے اہل خانہ نے ڈاکٹروں، نرسوں اور پیرامیڈیکس کا شکریہ ادا کیا کہ انہوں نے اپنے مریض کی بہتر دیکھ بھال کی اور اپنی بیٹی کی جنس میں تبدیلی پر خوشی کا اظہار کیا۔

ان کا کہنا تھا کہ بچپن سے ہی وہ مختلف نشانیاں دکھا رہی تھی جیسے کہ جب وہ بلوغت کو پہنچی ، اس کا چہرہ مردوں کی طرح بڑھنا شروع ہو گیا تھا۔ جس کے بعد ڈاکٹروں نے ہارمونل چیک اپ کیا۔

جنس تبدیل کرنے کے بعد عمار نے کہا کہ وہ اللہ تعالی کا شکر گزار ہے۔ ان کا کہنا تھا کہ 'ہمارے خاندان میں ایک لڑکے کا اضافہ فطرت کا انعام ہے جس پر ہر کوئی خوش ہے'۔