Aaj News

منگل, اپريل 16, 2024  
08 Shawwal 1445  

پی سی بی نے مینز سینٹرل کنٹریکٹ برائے 23-2022 کا اعلان کردیا

چیف سلیکٹرمحمد وسیم نے راولپنڈی میں کھلاڑیوں کے ناموں کا اعلان کیا، 10کھلاڑیوں کوصرف ریڈ بال جبکہ 11کھلاڑیوں کوصرف وائٹ بال کنٹریکٹ دیا گیا ہے۔
شائع 30 جون 2022 01:23pm
مجموعی طورپر 33 کھلاڑیوں کو سینٹرل کنٹریکٹس دئیے گئے ہیں۔
فوٹو۔۔۔۔۔۔۔۔۔ آئی سی سی
مجموعی طورپر 33 کھلاڑیوں کو سینٹرل کنٹریکٹس دئیے گئے ہیں۔ فوٹو۔۔۔۔۔۔۔۔۔ آئی سی سی

راولپنڈی: پاکستان کرکٹ بورڈ (پی سی بی) نے مینزسینٹرل کنٹریکٹ برائے 23-2022 کا اعلان کردیا، 10کھلاڑیوں کوصرف ریڈ بال جبکہ 11کھلاڑیوں کوصرف وائٹ بال کنٹریکٹ دیا گیا ہے جبکہ ڈومیسٹک کرکٹ میں عمدہ کارکردگی کا مظاہرہ کرنے والے 7 کھلاڑیوں ایمرجنگ کٹیگری میں شامل کیا گیا ہے۔

چیف سلیکٹرمحمد وسیم نے راولپنڈی میں کھلاڑیوں کے ناموں کا اعلان کیا، نئے سینٹرل کنٹریکٹ کا اطلاق یکم جولائی سے ہوگا، مجموعی طورپر 33 کھلاڑیوں کو سینٹرل کنٹریکٹس دئیے گئے ہیں، پہلی بارریڈ اوروائٹ بال کے الگ الگ کنٹریکٹس دئیے گئے ہیں۔

پاکستان کرکٹ ٹیم کے کپتان بابر اعظم، شاہین شاہ آفریدی، محمد رضوان، امام الحق اور حسن علی کو ریڈ اور وائٹ بال دونوں طرز کی کرکٹ کے کنٹریکٹ دئیے گئے ہیں۔

ان کے علاوہ 10 کھلاڑیوں کو صرف ریڈ بال کا کنٹریکٹ دیا گیا ہے، ان کھلاڑیوں میں اظہر علی کو اے کٹیگری جبکہ فواد عالم کو بی کٹیگری میں شامل کیا گیا ہے۔

عبد اللہ شفیق، نعمان علی اور نسیم شاہ کو ریڈ بال کی سی کٹیگری جبکہ سرفراز احمد، شان مسعود، یاسر شاہ، عابد علی اور سعود شکیل کو ڈی کٹیگری شامل کیا گیا ہے۔

اسی طرح 11 کھلاڑیوں کو صرف وائٹ بال کا کنٹریکٹ دیا گیا ہے، ان کھلاڑیوں میں فخر زمان اور شاداب خان کو اے کٹیگری جبکہ حارث رؤف کو بی کٹیگری اور محمد نواز کو وائیٹ بال کنٹریکٹ کی سی کٹیگری جبکہ شاہنواز دھانی، عثمان قادر، حیدر علی، آصف علی، خوشدل شاہ ، زاہد محمود اور محمد وسیم جونیئر کو بھی اس طرز کی کرکٹ کے کنٹریکٹ کی ڈی کٹیگری میں رکھا گیا ہے۔

ڈومیسٹک کرکٹ میں عمدہ کارکردگی کا مظاہرہ کرنے والے 7 کھلاڑیوں کو ایمرجنگ کٹیگری میں شامل کیا گیا ہے۔

علی عثمان، حسیب اللہ، کامران غلام، قاسم اکرم، محمد حارث، محمد حریرہ اور سلمان علی آغا اس کٹیگری کا حصہ ہیں۔

rawalpindi

babar azam

PCB

mohammad rizwan

Shaheen Shah Afridi

cheif selector

mohammad waseem

centeral contract

Comments are closed on this story.

تبصرے

تبولا

Taboola ads will show in this div