انڈین پریمیئر لیگ عالمی سطح پر اپنا نام مزید آگے لے جاری ہے کیونکہ اس کے فرانچائز مالکان جنوبی افریقہ کی نئی ٹی 20 لیگ کی چھ ٹیمیں خریدنے کے لیے تیار ہیں۔

ای ایس پی این کرک انفو کے مطابق آئی پی ایل کی فرانچائز ممبئی انڈیئنز، چنئی سپر کنگز، لکنو سپر جائنٹس، سنرائزرز حیدرآباد، راجستھان رائلز اور دہلی کیپیٹلز کے ایک مالک جنوبی افریقہ کی ٹی 20 لیگ کی ٹیمیں خریدیں گے۔

واضح رہے کہ نئی لیگز کی وجہ سے پاکستان سپر لیگ کے لیے چیلنجز پیدا ہو سکتے ہیں کیونکہ مقبول کھلاڑیوں کی عدم دستیابی کے خدشات ظاہر کیے جا رہے ہیں۔

اگلے سال پی ایس ایل کے ساتھ ساتھ چار لیگز کے میچز ہوں گے۔ ان میں شامل ہیں آسٹریلیا کی بگ بیش لیگ، ٹی 20 لیگ، بنگلہ دیش پریمیئر لیگ اور یو اے ای انٹرنیشنل لیگ۔

جنوبی افریقہ کی ٹی 20 لیگ

کرک انفو کے مطابق ماتحت کمپنی چنئی سپر کنگز سپورٹس لمیٹڈ کے ذریعے چنئی سپر کنگز نے ایک غیر رسمی نیلامی پر جنوبی افریقہ کے شہر جوانس برگ کی فرانچائز کے لیے سب سے زیادہ بولی لگائی تھی۔

ریلائنس انڈسٹریز کی ممبئی انڈینز نے کیپ ٹاون کی فرانچائز خریدی ہے، جبکہ سن ٹی وی گروپ کی سنرائزرز نے گائیبیخا کی فرانچائز خریدی ہے۔

آر پی سنجیو گوئنکا گروپ، جس نے لکنو آئی پی ایل کے لیے گذشتہ برس 7090 کروڑ انڈین روپے دیے تھے، نے ڈربن ٹیم چنی ہے۔

راجستھان رائلز نے پارل ٹیم خریدی ہے۔

پریٹوریا کو جندال ساوتھ ویسٹ سپورٹس نے خریدا ہے، جس کے سربراہ پارتھ جندال ہیں، دہلی کیپیٹلز کے ساتھی مالک۔