Aaj News

جمعرات, مارچ 28, 2024  
17 Ramadan 1445  

وفاقی وزیر داخلہ رانا ثناء نے تحریک انصاف کو خبردارکردیا

ہم سوجائیں گے، یا ہاتھ پر ہاتھ رکھے بیٹھیں گے تو یہ ان کی بھول ہے
شائع 26 اگست 2022 12:49pm

وفاقی وزیرداخلہ رانا ثناء اللہ نے پی ٹی آئی کو خبردارکرتے ہوئے کہا ہے کہ اگر یہ اسلام آباد ‘ٹیک اوور’ کرنے آئیں گے، تو ہم بھی ہاتھ پرہاتھ رکھے نہیں بیٹھے ہیں۔

آج نیوزکے پروگرام “فیصلہ آپ کا “میں میزبان عاصمہ شیرازی سے گفتگو کرتے ہوئے رانا ثناء اللہ نے تحریک انصاف کے رہنما علی امین گنڈا پورکے بیان پرسخت ردِعمل ظاہرکیا۔

علی امین گنڈا پورنے اپنے وائس نوٹ میں کہا تھا کہ ہم اسلام آباد کو ‘ٹیک اوور’ کریں گے۔

رانا ثناء اللہ نے کہا کہ اگر یہ لوگ اسلام آبد کاگھیراؤ کریں گے، تو لاہور اور اور پشاور کا گھراؤ بھی کیا جاسکتا ہے، یہ لوگ کشمیر روڈ پر 15 ہزار لوگوں کو جمع کرسکتے ہیں، تو حکومت میں موجود جماعتوں کے بھی سپورٹرز ہیں۔

انہوں نے کہا کہ ہم اسلام آباد آنے والے 12 ، 14 ہزارافراد کا تو بندوبست کرسکتے ہیں، اگر ضرورت پڑی تو ہم بھی اپنی عوامی طاقت کے ذریعے 10 سے 12 ہزار لوگ نہیں لاسکتے، یہ سمجھتے ہیں ہم سوجائیں گے، یا ہاتھ پر ہاتھ رکھے بیٹھیں گے تو یہ ان کی بھول ہے۔

وفاقی وزیرداخلہ نے مزید کہا کہ ہم ان سے بلیک میل نہیں ہوں گے یہ ان کی بھول ہے، جبکہ سیاست میں بیٹھ کر بات ہوسکتی ہے، یہ عوامی طاقت کے ذریعے بیلک میل کریں توعوامی طاقت کے ذریعے ہی مقابلہ ہوگا۔

اسلام آباد

imran khan

Rana Sanaullah

Comments are closed on this story.

تبصرے

تبولا

Taboola ads will show in this div