Aaj News

بدھ, اپريل 24, 2024  
16 Shawwal 1445  

طاقتور مغربی ہواؤں کا سسٹم پاکستان میں داخل، کئی شہروں میں بارش اور برفباری کا امکان

پاکستان بھر میں بارش، برفباری اور ژالہ باری کا قوی امکان
شائع 28 دسمبر 2022 05:28pm

رواں سال کا آخری طاقتور ہواؤں کا مغربی سسٹم بلوچستان میں داخل ہوچکا ہے، جس کے باعث صوبے کے کئی مقامات پر ہلکی و تیز بارشوں اور پہاڑوں پر ژالہ باری اور برف باری کا امکان ہے۔

ماہرین موسمیات کے مطابق کوئٹہ، خضدار، زیارت اور آس پاس کے علاقوں میں درمیانی سے تیز برفباری کا امکان ہے، جبکہ ساحلی مقامات پر تیز اور چند مقامات پر موسلا دھار بارش بھی ہوسکتی ہے۔

انتیس تاریخ سے یہ سسٹم شمالی علاقہ جات جیسے خیبر پختونخوا، گلگت بلتستان اور آزاد جموں و کشمیر کا رخ کرے گا جس کے باعث ان علاقوں میں ہلکی سے درمیانی بارش اور پہاڑوں پر بھاری برفباری کا امکان ہے۔

سسٹم خیبرپختونخوا پہنچے گا تو پنجاب کے بالائی علاقوں میں بھی بارشوں کا امکان ہے، ان علاقوں میں اسلام آباد، راولپنڈی، مری، بھوربن، ٹیکسلا اور دیگر شامل ہیں۔ آنے والے سسٹم سے سندھ کے کچھ بالائی علاقوں میں بوندا باندی اور ہلکی بارش کا امکان ہے، اس سسٹم کے تحت کراچی میں بارش کے امکانات 20 سے 30 فیصد ہیں۔

karachi

اسلام آباد

Rain

snowfall

Weather Updates

Comments are closed on this story.

تبصرے

تبولا

Taboola ads will show in this div