نیشنل الیکٹرک پاور ریگولیٹری اتھارٹی (نیپرا) نے ایک ماہ کے لئے بجلی کی قیمت میں 2 روپے 31 پیسے فی یونٹ کمی کردی۔

نیپرا کی جانب سے بجلی 2 روپے31 پیسے فی یونٹ سستی کرنے کی منظوری دے دی گئی، جس سے بجلی صارفین کو 18 ارب 70 کروڑ روپے کا ریلیف ملے گا۔

نیپرا حکام کے مطابق بجلی صارفین کو فروری کے بلوں میں ریلیف ملے گا، کمی کا اطلاق لائف لائن اور کے الیکڑک صارفین پر نہیں ہوگا۔

نیپرا اتھارٹی بجلی کی فی یونٹ 2 روپے 31 پیسے کمی سے متعلق تفصیلی فیصلہ بعد میں جاری کرے گی۔