بھارتی ماڈل اور اداکارہ سونم باجوہ نے کہا ہے کہ وہ رواں برس پاکستان کا دورہ کریں گی۔

سونم باجوہ نے اب تک دو درجن سے زائد بھارتی پنجابی فلموں میں کام کیا ہے جب کہ انہوں نے اسٹریٹ ڈانسر 3 اور بالا سمیت دیگر بولی وڈ فلموں میں بھی کام کیا ہے۔

گزشتہ روز ٹوئٹر پر اداکارہ سونم باجوہ سے ایک مداح نے درخواست کی کہ وہ پاکستان کا دورہ کریں۔

مداح کی درخواست پر اداکارہ نے جواب دیا کہ میں اسی برس پاکستان آرہی ہوں۔

سونم باجوہ اس قبل پاکستانی فنکاروں سجل علی اور پاکستانی ڈرامے ’میرے پاس تم ہو‘ کیلئے پسندیدگی کا اظہار بھی کرچکی ہیں۔