آر ایل این جی کی قیمتوں میں کمی کر دی گئی۔ اوگرا نے آر ایل این جی کی نئی قیمتوں کا نوٹیفکیشن جاری کر دیا جس کے مطابق آر ایل این جی کی قیمت میں کمی جون کیلئےکی جا رہی ہے۔

آئل اینڈ گیس ریگولیٹری اتھارٹی (اوگرا) نے جون 2025 کے لیے ری- گیسیفائیڈ لیکویفائیڈ نیچرل گیس (آر ایل این جی) کی قیمتوں میں معمولی کمی کا اعلان کر دیا ہے۔

نوٹیفکیشن کے مطابق، سوئی ناردرن گیس کے لیے آر ایل این جی کی قیمت ایک سینٹ کمی کے بعد 11.78 ڈالر فی ایم ایم بی ٹی یو مقرر کی گئی ہے، جو مئی میں 11.79 ڈالر تھی۔

اسی طرح، سوئی سدرن گیس کے لیے بھی قیمت ایک سینٹ سے کم کمی کے بعد 10.85 ڈالر فی ایم ایم بی ٹی یو کر دی گئی ہے، جو مئی میں 10.86 ڈالر فی ایم ایم بی ٹی یو تھی۔

اوگرا کے مطابق یہ کمی جون کے مہینے کے لیے کی گئی ہے، اور اس کا اطلاق فوری طور پر ہو گا۔