حمل (Mar21-April19)

آج آپ کو اپنے جذباتی رشتوں کا نئے سرے سے احیاء یا نئے رشتوں کا آغاز کرنے یا انہیں مضبوط بنانے میں ستاروں کی مدد اور تعاون حاصل رہے گا مگر کسی قانونی معاملے کو حتمی شکل دینا یا کسی معاہدے پر دستخط کرنا بہتر ثابت نہ ہوگا۔

ثور (April20-May20)

آج دن کے آغاز سے آپ بہت جوشیلے کاروباری منصوبے بنانے کی کوشش کرسکتے ہیں جبکہ آپ اچھی طرح جانتے ہیں کہ یہ سب کچھ آپ اکیلے سر انجام نہیں دے سکتے۔ شام میں اپنے رشتہ داروں کے ہاں جانے کی وجہ سے اپنی شریک حیات سے تو تکار بھی ہوسکتی ہے۔

  (May21-June21) جوزا

آج بہت لمبے عرصے کے بعد آپ کی ملاقات کسی ایسے بوڑھے فرد سے ہوسکتی ہے جو بہت عرصہ قبل آپ کے قریبی افراد میں شامل تھا۔ اپنے گھریلو مسائل کے حل میں کامیابی مل سکتی ہے جبکہ اہلخانہ کا تعاون بھی حاصل رہے گا۔ اپنے کم عمر اہلخانہ کی جانب توجہ دے کر ماحول کو مزید خوشگوار بنا سکیں گے۔

 (June22-July22) سرطان

آج اگر آپ نے اپنی توجہ فرائض کی ادائیگی کی جانب مبذول نہ کی تو آپ کی سرزنش ہوسکتی ہے کیونکہ کئی اہم کا اب تک صرف آپ کی وجہ سے ہی التواء کا شکار ہوتے چلے آرہے ہیں اور آپ انہیں بروقت مکمل نہیں کرپائے۔ اس کے علاوہ آج بیرون ملک جانے کے لئے بھی مناسب وقت نہیں ہے۔

 (July23-Aug22) اسد

آج صبح سے ہی آپ کی طبیعت ٹھیک نہ ہونے کی وجہ سے آپ نہ تو سماجی طور پر متحرک ہوسکیں گے اور نہ ہی اپنے اندر پیدا ہونے والی بد مزاجی پر قابو پاسکیں گے۔ اس کا واحد علاج اپنے دوستوں اور پیاروں کے ساتھ جی بھر کر باتیں کرنا ہے ایسا کرنے سے دل کا بوجھ اور ذہنی دباؤ کم ہوسکتا ہے۔

 (Aug23-Sep22) سنبلہ

آج آپ کو اپنے رشتہ داروں کی جانب سے کوئی خوشخبری مل سکتی ہے۔ اپنے آپ کو متوازن بنا کر لگنے والے جذباتی جھٹکوں سے خود کو بچانے کی کوشش کریں۔ اپنے آپ کو کسی قسم کی بھی تضاد بیانی سے دور رکھنے کی کوشش کامیاب بنا سکیں گے۔

 (Sep23-Oct22) میزان

آج ستاروں کے مثبت اثرات آپ کی محبت بھری زندگی کے لئے بہت ہی اہم ثابت ہوں گے۔ آج اپنے دوستوں کے ساتھ بھی بہترین وقت گزار سکیں گے۔ آج سیر و تفریح کے منصوبے میں رکاوٹ محسوس ہونے کی وجہ سے پروگرام مؤخر کرسکتے ہیں اور اس کی وجہ سے آپ کی صحت بھی خراب ہوسکتی ہے۔

  (Oct23-Nov21) عقرب

آج ممکنہ طور پر آپ کسی ایسے بزرگ سے کسی معمولی بات پر جھگڑا کرسکتے ہیں جس پر آپ کو بعد میں افسوس بھی ہوسکتا ہے لیکن پریشانی کس بات کی! آپ یہ سب کچھ چند میٹھے الفاظ کے استعمال سے بھی بہتر بناسکتے ہیں۔ آج آپ کو الفاظ کا چناؤ انتہائی محتاط انداز میں کرنا ہوگا تاکہ اپنے آپ کو مزید اذیت سے بچا سکیں۔

 (Nov22-Dec22) قوس

آج اپنی پیار بھری زندگی میں پیدا ہونےوالی مشکلات سے اپنے آپ کو بچانے کے لئے اپنے قریبی اعزاز کی عملی مدد حاصل کرکے اپنے آپ کو کسی بھی قسم کی پیچیدہ صورتحال سے باآسانی بچاسکیں گے۔ آج آپ کو کسی جزوقتی ملازمت کی وجہ سے خاصی معقول رقم موصول ہوسکتی ہے۔

 جدی (Dec23-Jan19)

آج آپ کو سماجی اور پیشہ وارانہ زندگی میں اچانک بہت سی تبدیلیوں کا سامنا کرنا پڑے گا۔ آپ کا اختیار کردہ عملی راستہ شاید دوسروں کے لئے قابل گوارا نہ ہو مگر آپ کے لئے طے کردہ اہداف کے حصول میں انتہائی مددگا اور معاون ثابت ہوسکے گا۔

 دلو (Jan20-Feb18)

آج آپ کی ہر کامیابی کی بنیاد آپ کا اعتماد ہی ہوگی اس کے علاوہ اپنی کاروباری کامیابیوں کے لئے آپ کو دوسروں کے متحرک ہونے سے قبل اپنے آئیڈیاز کو عملی شکل دینے کی کوشش کرنی ہوگی تاکہ اس مثبت وقت کا مالی فائدہ اٹھایا جاسکے۔ شریک حیات کے ساتھ کچھ ذاتی مسائل اور مشکلات کا سدباب کرنا ہوگا۔

 حوت (Feb19-Mar20)

آج آپ کے ارادوں کی استقامت اور پختہ عزائم کی بدولت آپ اپنے امور کو تکمیل کی منزل تک لے جانے میں کامیاب ہوسکیں گے۔ آپ کے سامنے آنے والے مواقع کی وجہ سے بے شمار فوائد حاصل کرسکیں گے۔ اس کے علاوہ اپنے دوستوں اور شریک حیات کے ساتھ تعلقات بہترین رہیں گے۔

نوٹ: ستاروں کا یہ حال محض تفریحاً پیش کیاجاتا ہے۔ اس پر عقیدت رکھنا یا اسے سچ ماننا صحیح نہیں۔ 

صحیح المسلم حدیث نمبر193۔ کتاب الایمان باب کفر من قال مطرنا بالنوء کے مطابق یہ کفر ہے۔