کیماڑی میں پراسرار طور پر نکلنے والی زہریلی گیس سے متعلق وزیر اطلاعات ناصر شاہ کہتے ہیں رپورٹس آنے سے قبل حتمی طور پر یہ نہیں کہا جا سکتا کہ یہ کیا ہے اور کہاں سے آرہی ہے۔ پاک فوج ، پاک نیوی سمیت حکومت سندھ اپنا رول ادا کررہی ہے۔

  کمشنر کراچی کے دفتر میں نیوز کانفرنس کرتے ہوئے وزیر اطلاعات سندھ ناصر حسین شاہ نے کہا کہ زہریلی گیس کے حوالے سے تمام نمونے لے لئے گئے ہیں ۔رپورٹس آنے سے قبل حتمی طور پر یہ نہیں کہا جا سکتا کہ یہ کیا ہے اور کہاں سے آرہی ہے۔

 ناصر حسین شاہ نے کہاکہ زہریلی گیس سےدس کے قریب اموات اور ڈھائی سو سے زائد افراد متاثر ہیں۔حکومت سندھ نے اپنی پوری توجہ شہریوں کی جان بچانےاور زہریلی گیس کےاخراج کا پتہ لگانے میں مرکوز کی ہوئی ہے۔

 وزیر اطلاعات سندھ نے مزید کہا کہ حکومت سندھ اب ایسا لائحہ عمل تیار کر رہی ہے کہ تمام کیمیکلز کمپنیز کو شہر سے دور شفٹ کیا جائے۔