ممنوعہ فنڈنگ کیس: ‘کھودا پہاڑ نکلا چوہا’
عوامی مسلم لیگ کے سربراہ شیخ رشید کاکہنا ہے کہ آج ثابت ہو گیا کہ ممنوعہ فنڈنگ نہیں ہوئی۔
الیکشن کمیشن کی جانب سے ممنوعہ فنڈنگ کیس کا فیصلہ سنائے جانے پر سابق وزیرداخلہ شیخ رشید نے رد عمل دیتے ہوئے اپنے ویڈیو پیغام میں کہا کہ کھودا پہاڑ نکلا چوہا۔
شیخ رشید نے کہا کہ 8 سال تک قوم کا وقت ضائع کیا گیا، آج ثابت ہو گیا ہے کہ ممنوعہ فنڈنگ نہیں ہوئی،8 سال سے عمران خان کے خلاف جو ہجوم اکھٹا کیا گیا تھا،وہ مر گیا۔
— Sheikh Rashid Ahmed (@ShkhRasheed) August 2, 2022
عوامی مسلم لیگ کے سربراہ کا کہنا تھا کہ تحریک انصاف کے خلاف میڈیا وار از خود ختم ہوگئی ہے، یہ اے این پی والا وقت نہیں کہ پارٹی کو بین کیا جا سکے۔
سابق وفاقی وزیر نے کہا کہ عمران خان ایک مضبوط اور مقبول لیڈر ہیں، 14 سیاسی جماعتوں کی ساکھ راکھ بن گئی ہے،یہ عمران خان کو عوام میں شکست نہیں دے سکے۔
شیخ رشید کا مزید کہنا تھا کہ عدالتیں پہلے ہی دن اس فیصلے کو اڑا دیں گی، ہمیں فوری طور پر انتخابات کی طرف چلے جانا چاہیئے۔
Comments are closed on this story.