وفاقی وزیر شیری رحمان نے کہا ہے کہ پی ٹی آئی نے 8 سال تک الیکشن کمیشن پردباؤ ڈالا۔۔ 8 سال سے پی ٹی آئی کی سہولت کاری کی جارہی تھی۔

اسلام آباد میں پریس کانفرنس کرتے ہوئے شیری رحمان نے کہا کہ عمران خان نےالیکشن کمیشن کوجھوٹا بیان حلفی دیا، پی ٹی آئی کا کام صرف انتشار پھیلانا ہے، ان کےخلاف فوجداری مقدمات کھل سکتے ہیں۔

انہوں نے مزید کہا کہ جھوٹا بیانیہ کسی احتجاج سے نہیں چھپ سکتا، پی ٹی آئی نے بیان حلفی جھوٹا دیا۔

ان کا کہنا تھا کہ پی ٹی آئی والے ایک طرف کہتے ہیں کہ ہمیں کوئی پریشانی نہیں اور دوسری طرف احتجاج کی کال دی جا رہی ہے۔