عوامی مسلم لیگ کے سربراہ شیخ رشید نے کہا ہے کہ عمران خان کو گرفتار کرنا یا پی ٹی آئی کو توڑنے کی منصوبہ بندی کرنا خونی سیاست کا آغاز ہوگا۔

اپنے ٹوئٹر بیان میں شیخ رشید نے کہا کہ 13 اگست کو لال حویلی سے جلسے سے خطاب کروں گا۔

انہوں نے مزید کہا کہ سیاست اور اقتدار سے زیادہ اہم ملکی سلامتی ہے۔

ان کا کہنا تھا کہ افغانستان کاعدم استحکام پاکستان پر اثر انداز ہوگا، بھتہ اور خودکش حملے شروع ہوچکے ہیں۔