Aaj News

“نواز شریف ستمبر میں پاکستان آئیں گے”

وفاقی وزیر کا کہنا تھا کہ ن لیگ کسی بھی چیلنج کا مقابلہ کرنے کے لیے تیار ہے۔
شائع 15 اگست 2022 02:47pm
<p>نواز شریف (فوٹو: رائٹرز/فائل)</p>

نواز شریف (فوٹو: رائٹرز/فائل)

مسلم لیگ (ن) کے رہنما جاوید لطیف نے کہا ہے کہ سابق وزیر اعظم نواز شریف ستمبر میں پاکستان واپس آئیں گے۔

سپریم کورٹ نے 28 جولائی 2017 کو پاناما پیپرز کیس کے فیصلے میں اس وقت کے وزیراعظم نواز شریف کو عوامی عہدہ رکھنے کے لیے نااہل قرار دے دیا تھا۔

اسلام آباد میں پریس کانفرنس کرتے ہوئے جاوید لطیف نے کہا کہ “وہی گروپ جس نے ایوب خان، یحییٰ خان، پرویز مشرف کو سپورٹ کیا تھا، اس آدمی (عمران خان) کی پیروی کر رہا ہے”۔

انہوں نے مزید کہا کہ نواز شریف کے بغیر آپ لیول پلیئنگ فیلڈ نہیں کہہ سکتے، یہ ممکن نہیں ہے کہ آپ دوسری پارٹی کو بلاک کرکے ایک پارٹی کی حمایت کریں۔

وفاقی وزیر کا کہنا تھا کہ ن لیگ کسی بھی چیلنج کا مقابلہ کرنے کے لیے تیار ہے۔ “ہم نے پہلے بھی اس کا سامنا کیا تھا اور ہم اس بار بھی کریں گے۔”

انہوں نے مطالبہ کیا کہ جسٹس قاضی فائز عیسیٰ کا خط منظر عام پر لایا جائے۔

Comments are closed on this story.

مقبول ترین