پاکستان کے معروف اداکار فواد خان نے ٹیلی ویژن اسکرین کو خیرباد کہہ دیا ہے۔

حال ہی میں فواد حسین نے ایک انٹرویو میں کہا کہ اب میرے لیے ٹی وی ڈراموں میں واپس آنا مشکل ہے کیونکہ مجھے لگتا ہے کہ میری عمر زیادہ ہوگئی ہے اور زیادہ تر ٹیلی ویژن پروگرامز نوجوانوں کی زندگی کی کہانیوں پر مبنی ہیں۔

فواد خان کا کہنا تھا کہ مجھے لگتا ہے کہ ٹیلی ویژن اسکرین ہماری نوجوان نسل کے لیے ہے، اس لیے میرا اب ٹی وی اسکرین پر واپسی کا کوئی ارادہ نہیں ہے۔

یاد رہے کہ فواد خان نے ٹیلی ویژن اسکرین سے اداکاری کی دنیا میں قدم رکھا تھا،انہوں نے ڈرامہ سیریل ’ہمسفر‘ اور ’زندگی گلزار ہے‘ میں نہ صرف پاکستان میں کامیابیاں سمیٹیں بلکہ پڑوسی ملک بھارت کے بھی چہیتے اداکار بن گئے۔

فواد خان نے پاکستانی ٹی وی ڈراموں اور فلمز کے علاوہ بالی ووڈ فلم خوبصورت، کپور اینڈ سنز اور اے دل ہے مشکل میں بھی اپنی شاندار اداکاری سے بھارت میں خوب نام کمایا تھا۔