Aaj News

جمعہ, مارچ 29, 2024  
18 Ramadan 1445  

نگراں وزیراعلیٰ پنجاب کا 9 مئی واقعات میں ملوث شرپسندوں کی جلد گرفتاری کا حکم

9 مئی واقعے پر پانامہ کی طرز پر جے آئی ٹی کی تشکیل کیلئے درخواست دائر
شائع 24 مئ 2023 02:44pm
فوٹو۔۔۔۔۔۔۔ فائل
فوٹو۔۔۔۔۔۔۔ فائل

نگراں وزیراعلیٰ پنجاب محسن نقوی نے 9 مئی واقعات میں ملوث مفرور شرپسندوں کی جلد گرفتاری یقینی بنانے کا حکم دے دیا۔ انہوں نے عوامی فلاح کے منصوبوں کو مقررہ مدت کے اندر مکمل کرنے کی ہدایت بھی کردی۔

نگراں وزیراعلیٰ پنجاب محسن نقوی کی زیر صدارت سرکٹ ہاؤس گوجرانوالہ میں ہونے والے اجلاس میں امن و امان کی صورتحال اور 9 مئی کے واقعات میں گرفتار شرپسندوں کے خلاف قانونی کارروائیوں کے بارے میں بریفنگ دی گئی۔

اجلاس میں ایک ہزار کنال اراضی پر یونیورسٹی اور نیو ٹیچنگ اسپتال میں برن یونٹ کے منصوبوں پرغورکیا گیا۔

نگراں وزیراعلیٰ پنجاب کا مفرور شرپسندوں کی جلد گرفتاری یقینی بنانے کا حکم دیتے ہوئے کہنا تھا کہ شرپسندوں اور ان کے سہولت کاروں کے خلاف بلاامتیاز کریک ڈاؤن جاری رکھا جائے گا، انویسٹی گیشن اور پراسیکیوشن کے عمل کو مؤثر انداز میں آگے بڑھایا جائے گا۔

اس سے قبل ایل ڈی اے کی گورننگ باڈی اجلاس میں اکبر چوک فلائی اوور کے نظر ثانی شدہ منصوبے کی منظوری دے دی گئی۔

بینک آف پنجاب میں ٹرم فنانس سرٹیفکیٹس کے ذریعے 2 ارب روپے کی سرمایہ کاری اور ایل ڈی اے ریگولیشن 1978برائے تعیناتی و ملازمت میں ترامیم کی منظوری دی گئی۔

9 مئی واقعات کی تحقیقات: پانامہ کی طرز پر جے آئی ٹی کی تشکیل کیلئے درخواست دائر

9 مئی کے واقعات کی تحقیقات کے لیے پانامہ کی طرز پر جوائنٹ انویسٹی گیشن ٹیم (جے آئی ٹی) کی تشکیل کے لیے درخواست لاہور ہائیکورٹ میں دائر کردی گئی۔

لاہور ہائیکورٹ میں دائر درخواست میں نگراں وزیر اعلی پنجاب محسن نقوی، آئی جی پنجاب عثمان انور، ہوم سیکرٹری سمیت دیگر کو فریق بنایا گیا ہے۔

درخواست گزار نے مؤقف اختیار کیا کہ تحریک انصاف ملک کی سب سے بڑی جماعت ہے، رہنماؤں اور کارکنوں کو گرفتار کرکے انسانی حقوق کی خلاف ورزیاں کی جا رہی ہیں۔ درخواست میں عدالت سے استدعا کی گئی کہ 9 مئی کے واقعات کے لیے اعلیٰ عدلیہ کے جج کی سربراہی میں جے آئی ٹی تشکیل دی جائے۔

pti

lahore

JIT

Care Taker CM Punjab

mohsin naqvi

imran khan arrested

politics may 24 2023

Comments are closed on this story.

تبصرے

تبولا

Taboola ads will show in this div