Aaj News

ہفتہ, فروری 15, 2025  
16 Shaban 1446  

لارنس بشنوئی گینگ کا پہلا نشانہ سلمان خان تھے بابا صدیقی نہیں، ممبئی پولیس کا انکشاف

بابا صدیقی کو 12 اکتوبرکو فائرنگ کرکے ہلاک کردیا گیا تھا
شائع 05 دسمبر 2024 01:52pm

بابا صدیقی کے قتل کے ایک ماہ بعد ممبئی کرائم برانچ نے انکشاف کیا ہے کہ سلمان خان شوٹرز کا اصل ہدف تھے۔ اور ان کا نام ہٹ لسٹ پر سب سے آگے تھا۔

بھارتی میڈیا کے مطابق ممبئی پولیس کی کرائم پولیس نے بابا صدیقی کے قتل کے معاملے میں ایک بڑا انکشاف کیا ہے۔ ان کا کہنا ہے کہ لارنس بشنوئی گینگ کا اصل نشانہ بابا صدیقی نہیں بلکہ سلمان خان تھے۔

کرائم برانچ کے حکام کا کہنا ہے کہ شوٹروں کو پہلے سلمان خان کو شوٹ کرنے کا حکم دیا گیا تھا تاہم سلمان خان کی سخت سیکیورٹی کے باعث نشانے کا رخ بابا صدیقی کی طرف موڑدیا گیا۔

این سی پی کے سینیئر لیڈر بابا صدیقی کو 12 اکتوبر کی رات ان کے بیٹے ذیشان صدیقی کے دفترکے باہر فائرنگ کرکے ہلاک کردیا گیا تھا۔ اس دوران شوٹروں کو ذیشان کو مارنے کا حکم بھی دیا گیا تھا لیکن موقع پر نہ ہونے کی وجہ سے اس کی جان بچ گئی۔

یاد رہے کہ بابا صدیقی کے قتل کے بعد پولیس نے ذیشان کی سیکیورٹی بڑھا دی تھی۔ اس معاملے میں اب تک کئی لوگوں کو گرفتار کیا جا چکا ہے۔

Bollywood

entertainment

lifestyle

شخصیات