لاہور میں کھیلے جا رہے دوسرے ون ڈے میچ میں پاکستان نے آسٹریلیا کے 108 رنز پر 4 کھلاڑی آؤٹ کر دیے ہیں۔ پاکستان ٹیم نے ٹاس جیت کر پہلے فیلڈنگ کرنے کا فیصلہ کیا ہے۔

پاکستان کو تین میچوں کی سیریز میں 0-1 کی برتری حاصل ہے اور قومی ٹیم دوسرے ون ڈے میں کامیابی حاصل کرکے سیریز میں اپنی پوزیشن مزید مستحکم کرنے کے لیے میدان میں اتری ہے۔

ٹاس کے موقع پر قومی ٹیم کے کپتان شاہین آفریدی نے کہا کہ پاکستانی ٹیم میں کوئی تبدیلی نہیں کی گئی اور وہی کھلاڑی میدان میں اتریں گے جنہوں نے پہلے میچ میں نمائندگی کی تھی۔

شاہین آفریدی کا کہنا تھا کہ ٹیم کی کوشش ہوگی کہ بہتر کارکردگی کا مظاہرہ کرتے ہوئے میچ میں کامیابی حاصل کی جائے اور شائقین کرکٹ کو فتح کا تحفہ دیا جائے۔

واضح رہے کہ پاکستان کو آسٹریلیا کے خلاف تین میچوں کی ون ڈے سیریز میں 0-1 کی برتری حاصل ہے، جبکہ دونوں ٹیمیں سیریز کے دوسرے مقابلے میں لاہور میں آمنے سامنے ہیں۔