معروف بھارتی اداکار سنجے دت نے اپنے بچوں کا نام شاہ ران اور اقراء کا انتخاب کیا تھا، اداکار نے جیل میں رہنے کے بعد اپنی زندگی تبدیل کرنے کا اعادہ کیا تھا۔

سنجے دت اپنی اہلیہ مانیتا اور تینوں بچوں کے ہمرا خوشحال زندگی گزر بسر کر رہے ہیں، بڑی بیٹی تریشلا جو کہ پہلی بیوی سے تھیں، الگ زندگی گزر بسر کر رہی ہیں۔

جبکہ دوسری اہلیہ مانیتا سے شاہ ران اور اقراء والد کے ساتھ ہی رہ رہے ہیں، تاہم سنجے دت اپنے بچوں کے ناموں کو لے کر بھی توجہ حاصل کر لیتے ہیں۔

بچوں کے نام اقراء اور شاہ ران رکھنے کا فیصلہ والدین کی مرضی سے ہوا تھا، دونوں کو یہ نام بے حد پسند تھے۔

بچوں کے مسلمان نام رکھنے کی ایک وجہ یہ بھی ہو سکتی ہے، کہ ان کی اہلیہ کا تعلق مسلمان گھرانے سے ہے جبکہ اداکار کی والدہ اداکارہ نرگس کا تعلق بھی مسلمان گھرانے سے تھا۔

2008 میں جب مانیتا اور سنجے دت کی شادی ہوئی تو انہی دنوں مانیتا کے مذہب کو لے کر سوالات اٹھائے گئے تھے، جبکہ بھارتی میڈیا میں اس حوالے سے ہندو میرج ایکٹ کا بھی تذکرہ کیا جا رہا تھا، جس کے مطابق اگر جوڑا شادی کے وقت ہندو مذہب سے تعلق رکھتا ہے تو ہی شادی ہو سکتی ہے۔

تاہم بھارتی میڈیا کا دعویٰ ہے کہ انہوں نے شادی سے قبل اپنا مذہب تبدیل کیا تھا۔

ایک وقت تھا جب سنجے دت کا رعب اور دبدبہ انڈسٹری میں خوف کا باعث بنتا تھا، تاہم اب وہی رعب اور دبدبہ ختم ہوتا دکھائی دے رہا ہے۔

ممبئی حملوں کیسز میں سنجے دت جیل کاٹ کر آ چکے ہیں، اداکار کا ماننا ہے کہ جیل سے نکلنے کے بعد ان کی زندگی تبدیل ہو گئی ہے، اب وہ ایک نرم دل انسان بن کر سامنے آئے ہیں۔ تاہم اس سب میں وہ بتاتے ہیں کہ ان کی فیملی نے انہیں بے حد سپورٹ کیا ہے۔

واضح رہے اداکار پر ممبئی حملوں میں ملوث حملہ آوروں سے اسلحہ خریدنے کے الزام پر 20 ماہ قید ہوئی تھی۔